मुख्यमंत्री भजनलाल शर्मा कयो है के राज्य री मौजूदा भाजपा सरकार नौजवानां मांय सरकार रे प्रति भरोसो कायम कर्यो है। वठे ई पैली री कांग्रेस सरकार नौजवानां रा सपना ने तोड़ण रो काम कर्यो। श्री शर्मा आज जयपुर मांय 29वां राज्य थर रा भामाशाह सन्मान जळसा मांय बोल रिया हा। वणा शिक्षा रा हलका मांय योगदान देवण वाळा भामाशाहां री सराहवणा करी। जळसा मांय 135 भामाशाहां अर 91 प्रेरकां ने सन्मानित करी ज्या। एक करोड़ रिप्या ऊं बत्ती री रकम री मदद देवण वाळा 35 भामाशाहां ने शिक्षा विभूषण सन्मान, वठै ई तीस लाख रिप्या ऊं एक करोड़ रिप्या तांई री मदद करण वाळा सौ भामाशाहां ने शिक्षा भूषण सन्मान ऊं नवाज्या ग्या। न्यारा-न्यारा जिला मांय ई भामाशाह अर प्रेरक सन्मान जळसा व्हीया।