मुख्यमंत्री भजनलाल शर्मा कयो है के आपातकाल रो दौर भूलण रो मुद्दो नी है, बल्कि् संघर्ष री दास्तान रो प्रतीक है। गुरूवार ने जोधपुर रा मारवाड़ इंटरनेषनल सेंटर मांय आपातकाल री 50वीं वर्षगांठ रे मौके व्हीया लोकतंत्र सेनानी सम्मान जळसा मांय बोलता मुख्यमंत्री कयो के भाजपा सरकार जद कदे ई सेनानियां रा सन्मान रो मौको मिल्यो है, वे ई काम मांय आगे बधने जिम्मेदारी निभाती है। जोधपुर दौरा माथे गया मुख्यमंत्री इण ऊं पैला जोधपुर आईआईटी रा 11वां दीक्षांत जळसा मांय बोलता कयो के प्रधानमंत्री नरेन्द्र मोदी री अगुवाई मांय भारत, दुनिया री चौथा नंबर री अर्थव्यवस्था बण चुक्यो है। वणा कयो के लारला 11 बरसां मांय देष रा समर्पित भाव ऊं आधुनिक विकास कर्यो जा रियो है। मुख्यमंत्री कयो के जो पढेसर डिग्री हासिल करने निकळ्या है, वे काले भारत रो भविष्य लिखेला।
जळसा मांय मुख्यमंत्री पढेसरां ने न्यारा-न्यारा विषयां री डिग्री ई दी अर होषियार पढेसरा ने सोना रा तमगा बांट्या। कार्यक्रम मांय संसदीय कार्य मंत्री जोगाराम पटेल, उद्योग राज्यमंत्री के.के. विश्नोई अर वठे रा जननुमाइंदा समेत षिक्षक अर घणी तादाद मांय पढेसर मौजूद रिया।