मुख्यमंत्री भजनलाल शर्मा कह्यो है के समाज रा आखिरी सिरा माथे बैठ्या लोगां तांई शासन री मदद पूगावणो ही अंत्योदय है। वे पंडित दीनदयाल उपाध्याय अन्त्योदय सम्बल पखवाड़ा री सरुआत रे मौके मंगलवार ने जयपुर ज़िला रा बिचून मांय राख्यी ज्या राज्य स्तर रा जळसा मांय बोल रह्या हा। श्री शर्मा कह्यो के वंचित तबका री जिन्दगी मांय बदलाव आवण तांई देश री बरकत अधूरी मानी जावेला। मुख्यमंत्री कह्यो के 9 जुलाई तांई चालण वाळा ईं पखवाड़ा रे मार्फत ज़रूरतमंद लोगां री मदद करी जावेला अर सुबीतां ऊं महरूम लोगां ने मुख्यधारा मांय लावण री कोशिश करी जावेला।
पूरा राज्य मांय मंगलवार ने सरू व्ह्या ईं पखवाड़ा रा तैत सगळी ग्राम पंचायतां मांय राजीना शिविर लगा र जरूरतमंद लोगां ने फायदो दियो जावेला।
पखवाड़ा री सरूआत रे मौके मंगलवार ने अजमेर, डीग अर बालोतरा समेत न्यारी-न्यारी ठोड़ां लोगां ने ज़मीं रा स्वामित्व कार्ड दिया ज्या। झुंझुनूं, भरतपुर, बारां अर डूंगरपुर समेत केई ज़िलां री ग्राम पंचायतां मांय समस्या समाधान शिविर लगायी ज्या।