मुख्यमंत्री भजनलाल शर्मा कह्या के किसान खेती रे अलावा लोगां खातर अन्न री व्यवस्था कर पुण्य रो काम करे है। दीतवार ने जयपुर रा बैनाड़ा धाम मांय राख्या एक सामाजिक कार्यक्रम मांय मुख्यमंत्री कह्या के प्राकृतिक आपदावां सूं फसल खबरां रे बावजूद किसान री हिम्मत वां ने बिगड्या हालात मांय भी आगे बढवा री प्रेरणा देवे है। वे कह्या के समाज रा लोगां ने आपसी मेल-जोल रे साथे देश री मजबूती खातर काम करणो चाहिजे। वे कह्या के मजबूत अर समृद्ध समाज री नींव शिक्षा माथे टिकी है, इण खातर राज्य सरकार मोटयारां ने आगे बढ़बा खातर भरपूर मौका मुहैया करा री है। वे कह्या के कौशल विकास खातर स्टेट स्किल पॉलिसी बणा र दो बरस मांय करीब डेढ़ लाख मोटयारां ने प्रशिक्षित कर्या जावेला।