मुख्यमंत्री भजनलाल शर्मा कह्यो है के राज्य सरकार री मंशा है कि जयपुरवासियां खातिर सुगम अर अत्याधुनिक परिवहन तंत्र विकसित कर्यो जावे जिण सूं जयपुर स्मार्ट सिटी री दिशा मांय देशभर मांय मॉडल शहर बणा सके। श्री शर्मा आज मुख्यमंत्री निवास माथे जयपुर मेट्रो फेज द्वितीय खातिर तियार करी जा री विस्तृत परियोजना रिपट ने ले र राख्यी ज्यी बैठक ने सम्बोधित कर रह्या हा। वणा कह्यो के डीपीआर मांय प्रस्तावित सीतापुरा सूं अंबाबाड़ी अर विद्याधर नगर तांई भविष्य री आवश्यकता अर आमजन री सुगमता ने देखता व्ह्या मेट्रो टेशन बणाया जावे। श्री शर्मा कह्यो के जयपुर एक ऐतिहासिक अर तेज़ी सूं बढ़तो शहर है अर मेट्रो रा विस्तार अठे री बधती आबादी अर यातायात दबाव ने संतुलित करणे मांय खासी भूमिका निभावेला। वणा प्रोजेक्ट मांय खर्चा अर लागत रो समुचित आकलन करणे माथे भी जोर दियो, जिण सूं वित्तीय संसाधनां रो सदुपयोग होणे रे साथै आम जन खातिर बेहतर परिवहन सुविधा मुहैया करवायी जा सके। वणा कह्या के मेट्रो टेशन एड़ी जगावां माथे बणाया जावे जका आम लोगां रे पहुंच मांय हो अर रेलवे टेशन अर एयरपोर्ट रे कने हो, जिण सूं मेट्रो री उपयोगिता बढ़ सके।