मुख्यमंत्री भजनलाल शर्मा कह्यो है के आइफा अवॉर्ड समारोह सिनेमा अर संस्कृति रा विस्तार री निशाणी है। वे थावर आइफा सिल्वर जुबली अवॉर्ड समारोह रा बारा मांय राख्यी ज्यी प्रेस वार्ता मांय बोल रह्या हा। वे कह्या के ओ आयोजन जयपुर मांय राखण ऊं राज्य मांय कॉन्सर्ट टूऱज्म री सरूआत व्हेला। ईं सागे ई ब्याह-शादी री ठौड़ रा तौर ऊं राजस्थान री पिछाण और तेज़ी ऊं बधेला। श्री शर्मा कह्यो के फिल्म टूरिज़्म रा हलका मांय ई प्रदेश री लोकप्रियता तेजी ऊं बधी है। ईं मौके उपमुख्यमंत्री अर पर्यटन मंत्री दिया कुमारी कह्यो के आइफा रा आयोजन ऊं प्रदेश मांय सैर-सपाटा ने बधावो मिलेला। आईफा रजत जंयती समारोह मांय आज डिजिटल अवॉर्ड्स दिया जा रह्या है। इण मांय ओटीटी सितारां रो ई मान कर्यो जावेला।