मुख्यमंत्री भजनलाल शर्मा कह्यो है के राज्य सरकार प्रदेश री माली व्यवस्था ने दुगणी करण री सोच सागे काम कर रही है। वे गुरूवार ने जयपुर मांय राख्यी ज्या एक कार्यक्रम मांय बोल रह्या हा। श्री शर्मा कह्यो के राज्य मांय निवेश बधावण सारू सरकारी अर गैर-सरकारी कम्पनियां री ओर ऊं निवेश कर्यो जा रह्यो है। मुख्यमंत्री कह्यो के राज्य सरकार कारोबार करण ने आसाण बणावण री सोच सागे न्यारी- न्यारी नीतियां रे ज़रिए औद्योगिक विकास सारू काम कर रही है। मुख्यमंत्री कह्यो के राज्य री मौजूदा सरकार वां रा पहला बजट मांय ही पूंजीगत खर्च मांय 65 फीसदी ऊं बत्ती री बधोतरी कीनी है। वे निवेशकां ऊं राज्य मांय बत्तो ऊं बत्तो निवेश करण री अपील कीनी।