मुख्यमंत्री भजनलाल शर्मा कह्यो है के राज्य सरकार प्रदेश मांय गौवंश ने बचावण अर गौ पालकां री मदद सारू लगातार खास फैसला कर रही है। वे शुक्रवार ने शाहपुरा जिला रा कोटड़ी मांय श्री सुरभि गौ-चिकित्सालय, गौ गृह अर आईटीआई भवन रो उद्घाटन करण अर सामुदायिक भवन अर किसान प्रशिक्षण सभागार ने और बड़ा बणावण रा काम री नींव रखण रे मौके राख्यी ज्या कार्यक्रम मांय बोल रह्या हा। वे कह्यो के गोपाल क्रेडिट कार्ड योजना रे मार्फत सरकार गायां पाळबा वाळां सारू एक लाख रुप्या तांई बिना ब्याज़ रो कर्ज देवण, पंजीकृत गौशालावां सारू अनुदान मांय 10 फीसदी री बधोतरी करण अर 100 गौशालावां ने रियायती मोल माथे गौ काष्ठ मशीन मुहैया करावण समेत न्यारा-न्यारा जतन कर रही है। वे भर्ती परीक्षा पेपरलीक मामलां रो जिक्र करता थकां कह्यो के ऐड़ा मामलां मांय एसआईटी हाल तांई 115 आरोपितां ने गिरफ्तार कर लीना है। मुख्यमंत्री कह्यो के नौजवानां रा सपना तोड़बा री कोशिश करण वाळां ने नी छोड़्या जावेला।