मुख्यमंत्री भजनलाल शर्मा कह्यो है के राज्य सरकार ‘विकसित राजस्थान 2047’ रा तैत पांच साल री कार्य योजना बणा र सगळां रा विकास सारू काम कर रही है। वे कह्यो के ईं कार्य योजना रा तैत आवता बगत सारू बुनियादी ढांचा रा विकास अर प्रदेश री माली व्यवस्था ने साढे़ तीन सौ बिलियन डॉलर री बणावण सारू काम करण समेत दस संकल्प तैय करी ज्या है। श्री शर्मा सोमवार ने वां रा रेहवास माथे बैंक ऑफ बड़ौदा अर बैंक ऑफ महाराष्ट्र सागे राज्य सरकार रा करार माथे सही करण रे मौके बोल रह्या हा। करार रे मुजब आवता छह साल मांय बैंक ऑफ बड़ौदा हर बरस 20 हजार करोड़ रुप्या अर बैंक ऑफ महाराष्ट्र हर साल 10 हजार करोड़ रूप्या रा कर्ज मुहैया करावेला। आ रकम सरकार री बिजली अर नवीकरणीय ऊर्जा, सड़क, पीवण रा पाणी अर साफ सफाई ऊं जुड़ी न्यारी-न्यारी परियोजनावां सारू काम ली जावेला।