मुख्यमंत्री भजनलाल शर्मा ’पीएम सूर्यघर योजना’ रा तैत डोढ़ सौ यूनिट मुफ्त बिजली रो लक्ष्य हासिल करण सारू अहलकारां ने कैशलेस मॉडल माथे काम करण रा हुकम दीना है। वे आज जयपुर मांय ’राज उन्नति’ री समीक्षा बैठक मांय बोल रह्या हा। श्री शर्मा कह्यो के राजस्थान ने सूरज रोशनी ऊं बिजली बणावण रा हलका मांय देश रो सिरमौर बणावण माथे खास ध्यान देवणो है। वे करीब दो हजार करोड़ रुप्या रा खर्च वाळी विकास परियोजनावां ने टेमसर पूरा करण रा हुकम दीना। वे जयपुर कने हीरापुरा बस टर्मिनल माथे नुवा सुबीता विकसित करण अर अजमेर-चंदेरिया रेल लाइन ने दोवड़ी बणावण सारू जमीं लेवण रा काम मांय तेज़ी रा हुकम ई दीना।