केन्द्र सरकार कानी ऊं काल लागू करी ज्या चार नुवा श्रम कानूनां रो भारतीय मजदूर संघ स्वागत कीनो है। संघ रा राष्ट्रीय सचिव गिरीश आर्य कह्यो के ओ मजू़रां सारू आज़ादी पाछे करी ज्यो सब ऊं मोटो सुधार है। वे कह्यो के इण ऊं मजूर मज़बूत बणेला। भारतीय ट्रेड यूनियनां रा राष्ट्रीय मोर्चा रा अध्यक्ष डॉ. दीपक जायसवाल कह्यो के नुवा श्रम कानून लागू व्हेवण ऊं असंगठित हलकां मांय काम कर रह्या करीब पचास करोड़ लोगां ने न्यूनतम मजदूरी मिलणो तैय व्हे जावेला। वे कह्यो के आं कानूनां मांय महिलावां सारू एक सरीखा काम बाबत् एक सरीखा वेतन रो ई प्रावधान है। श्री जायसवाल बतायो नुवा कानूनां मांय व्यक्तिगत स्वास्थ्य अर हिफ़ाजत ऊं जुड़्या जूना कानूनां मांय नुवा प्रावधान जोड़ी ज्या है। नुवां श्रम कानूनां रो स्वागत करता थकां श्रम संगठन नैसकॉम कह्यो के वो उद्योग जगत ने ईं बदलाव ने आत्मविश्वास सागे अपणावण मांय मदद करण सारू सगळा हितधारकां सागे मिल र काम करेला।