मंगलवार ने विश्व ओजोन दिवस मनायी ज्यो। ईं मौके भांत-भांत रा कार्यक्रमां रे जरिये ओजोन परत ने बचावण रा बारा मांय जाग जगायी ज्यी। करौली मांय स्काउट-गाइड री ओर ऊँ जूनी नगर पालिका ऊँ स्टेडियम तांई जागरूकता रैली निकाळी ज्यी। वठे पोस्टर, निबंध अर भाषण री होड़ां ई राख्यी ज्यी। अजमेर मांय स्कूली विद्यार्थियां ने साफ़ आब-ओ-हवा रो सन्देश देवण वाळा नान्हा नाटक खेली ज्या। बारां रा पीएमश्री केन्द्रीय विद्यालय मांय वन विभाग अर प्रदूषण नियंत्रण बोर्ड री मदद ऊँ कार्यक्रम राख्यी ज्यो अर केई होड़ां राख्यी ज्यी। ईं मौके बच्चां ने पर्यावरण बचावण री शपथ ई दिरायी ज्यी। पाली ज़िला मांय रोहट री सरकारी प्राथमिक स्कूल रा विद्यार्थियां ने योगाभ्यास करायी ज्यो अर पर्यावरण ने बचावण रा बारा मांय कार्यशाला राख्यी ज्यी। सादड़ी रा राजकीय उच्च प्राथमिक विद्यालय मांय प्लास्टिक हटाओ-जंगल बचाओ मुद्दा माथे होड़ राख्यी ज्यी। सवाईमाधोपुर मांय कलेक्ट्रेट परिसर ऊँ पर्यावरण जन चेतना रैली निकाळी ज्यी, जिण मांय मोटी तादाद मांय स्कूली विद्यार्थी, स्काउट-गाइड, खिलाड़ी अर नौजवान शामिल व्ह्या।