भ्रष्टाचार निरोधक ब्यूरो बांसवाडा ज़िला रा बागीदौरा विधायक जयकृष्ण पटेल ने रिश्वत रा मामला मांय जयपुर सूं गिरफ्तार कर्यो ग्यो। एसी.बी.री. टीम उण ने उण रा ज्योति नगर रा सरकारी आवास सूं पूछताछ खातर डिटेन कर्यो। एसीबी रा महानिदेशक रविप्रकाश मेहरडा दीतवार ने जयपुर मांय ए.सी.बी. मुख्यालय मांय प्रेस वार्ता मांय बताया के विधायक पटेल माथे एक निजी कंपनी सूं काम कराबा रा एवज मांय ढाई करोड़ रिप्यां री रिश्वत मांगबा रो आरोप है। शिकायत मिलबा रे पछे ब्यूरो मामला रो सत्यापन कर सर्विलांस माथे निगराणी सरू करी। ध्यानजोग है के भारत आदिवासी पार्टी रा विधायक जयकृष्ण पटेल 2024 रा उपचुनाव मांय बागीदौरा सीट सूं जीत हासिल करी ही।