राज्य मांय जल जीवन मिशन रा तैत कथित घोटाळा रा मामला मांय भ्रष्टाचार निरोधक ब्यूरो राज्य रा पैली वाळा मंत्री महेश जोशी समेत 22 आरोपितां रे खिलाफ एफआईआर दर्ज कीनी है। आं मांय जनस्वास्थ्य अभियांत्रिकी विभाग रा वित्तीय सलाहकार सुशील शर्मा, वां बगत रा मुख्य अभियंता राम करण मीणा अर दिनेश गोयल समेत महकमा रा तत्कालीन अतिरिक्त मुख्य अभियंता अर दूजा अहलकार शामिल है। आ एफआईआर ब्यूरो री ओर ऊं लारला साल करीजी कार्रवाई ऊं मिली जाणकारी पाछे 30 अक्टूबर ने दर्ज करी ज्यी ही। एफआईआर रे मुजब जलदाय विभाग मांय बहरोड़ रा वां बगत रा अधिशाषी अभियंता मायाराम सैनी ऊं करीजी पूछताछ मांय जल जीवन मिशन रा तैत काम मांय घणा भ्रष्टाचार री जाणकारी मिली। वां रे मुजब अहलकार केई फर्मां ने फर्जी सर्टिफिकेट रा आधार ऊं प्रदेश मांय न्यारी-न्यारी ठोडां टेंडर दीना। ब्यूरो रे मुजब करीब 980 करोड़ रूप्या रा टेंडरां मांय घोटाळा री शंका है। ध्यानजोग है के राज्य मांय कांग्रेस रा राज री बगत भारतीय जनता पार्टी रा नेता ईं मामला ने तथ्यां समेत उठाता थकां जल जीवन मिशन रा काम मांय घणा भ्रष्टाचार रा आरोप मांड्या हा।