भारत री माली व्‍यवस्‍था रे चालू माली साल मांय चीन, अमरीका अर यूरोपीय संघ ने पिछाड़ता थकां सकल घरेलू उत्‍पाद-जी.डी.पी. मांय 6 दशमलव 3 फीसदी री बधोतरी सागे आगे बधण रा आसार है। संयुक्‍त राष्‍ट्र संघ री ताजा रपट रे मुजब भारत रा घरारु खर्चा, मजबूत सरकारी निवेश अर दिसावर मांय सेवा देवण रा काम मांय बधोतरी रे कारण भारत री जी.डी.पी. मांय बधोतरी व्ही है। रपट रे मुजब जनवरी महीना मांय बधोतरी री रेट 6 दशमलव 6 फीसदी रा अनुमान मांय थोड़ो बदलाव व्ह्यो है, पण आ हाल ई चीन, अमरीका अर यूरोपीय संघ सरीखी मोटी माली व्यवस्थावां ऊं अगाड़ी है।