भारत अर यूनाइटेड किंगडम रे बीचे भेळा सैन्य अभ्यास ’अजेय वॉरियर’ रो अठवां संस्करण सोमवार ने बीकानेर री महाजन फील्ड फायरिंग रेंज मांय सरू व्हीयो। ओ दो साला अभ्यास तीस नवंबर तांई चालेला। ईं सैन्य अभ्यास मांय दोन्यू देशां री सेनावां रा 240 सैनिक हिस्सो ले रिया है। भारत कानी ऊं इण मांय सिख रेजीमेंट रा जवान भेळा है। कर्नल नीरज बेनीवाल बतायो के इण रो खास ध्यान शहरी हलका मांय आतंकवाद-रोधी अभियानां माथे है। ओ संयुक्त राष्ट्र जनादेश रे तैत करयो जावे। अभ्यास रो मकसद दोन्यू सेनावां रे बीचे ठावा युद्ध हुनर अर अनुभव ने बांटणो है अर करडी हालात मांय साथे मिलने काम करण रा बूता ने बधावणो है।