भारत अर चिली रे बीचे खनन हलका मांय मदद सारू दोन्यू देषा रा नुमाइन्दा री मीटिंग व्ही। चिली री सरकारी खनन कम्पनी कोड़लको री टीम आज खेतड़ी कॉपर प्रोजेक्ट रे तैत कोलिहान अर चांदमारी खदानां ने देख्या। दल खदान मांय गहराई तांई जा र खुदायी रा काम री प्रणाली ने देख्या। इण रे पछे दोन्यू देषां रा नुमाइन्दा मण्डल खनन सुरक्षा, पर्यावरणीय प्रबंन्ध अर संसाधन उपयोग माथे बतळ करी। खेतड़ी कॉपर कॉम्पलेक्स रा कैमिकल विंग उपमहाप्रबन्धक जसवंत कुमार राजोरा बतायो के ई दौरान दोन्यू देषां रे बीचे तकनीकी लेण-देण अर भेळा सिखावण कार्यक्रमां माथे सहमति बनी।