भारतीय पुलिस सेवा रा 1996 बैच रा अहलकार सचिन मित्तल थावर ने जयपुर रा पुलिस आयुक्त ओहदा रो काम-काज संभाळ लीनो। वे बीजू जॉर्ज जोसेफ री ठौड़ लीनी। काम-काज संभाळ्यां पाछे खबरनवीसां सागे बातचीत करता थकां मित्तल कह्यो के वे लोगां री समस्यावां पुलिस थाणां मांय ई दूर करण माथे खास ध्यान देवेला। वे कह्यो के मुश्किल हालात मांय 100 या 112 नंबर माथे शिकायतां माथे तुरत कार्रवाई करण बाबत् ई खास ध्यान दियो जावेला। नुवा पुलिस कमिश्नर कानून व्यवस्था बणायी राखण अर अपराधां माथे काबू करण, गाड़ियां री आवण जावण री व्यवस्था बणायी राखण अर असहाय अर पीड़ित लोगां री संवेदनशीलता सागे बेगी सुणवाई तैय करण माथे ई ज़ोर दीनो। थावर ने ई आला आई.पी.एस. अहलकार राहुल प्रकाश ई पुलिस कमिश्नरेट जयपुर मांय स्पेशल पुलिस कमिश्नर (ऑपरेशन्स) रा ओहदा रो कामकाज संभाळ लीनो।