भगवान शिव री आराधना रो पर्व महाशिवरात्रि बुधवार ने पूरा प्रदेश मांय सिरधाभाव सागे मनायो जा रह्यो है। ईं मौके खास मिंदरां अर शिवालयां मांय महादेव दरबार अर शिव-पार्वती री झांकियां सजाई ज्यी है। मिंदरां मांय संवारे ऊं ई जलाभिषेक समेत न्यारा-न्यारा धार्मिक अनुष्ठान कर्या जा रह्या है। महाशिवरात्रि रे मौके आज पाली मांय महादेव री शोभायात्रा निकाळी जा रही है जद के ज़िला रा रोहट मांय संवारे जुलूस निकाळी ज्यो। चूरू अर पाली मांय ई शोभायात्रा निकाळी ज्यी। सीकर ज़िला मांय फतेहपुर शेखावाटी रा बुधगिरि री मढी मांय शिव मेळो लगायी ज्यो है, जिण मांय मोटी तादाद मांय जातरू पूग रह्या है। जैसलमेर मांय ई महाशिवरात्रि रे मौके उमाव बण्योड़ो है। म्हाणा सवाईमाधोपुर खबरनवीस बतायो के घुश्मेश्वर महादेव मिंदर समेत न्यारा-न्यारा शिव मिंदरां मांय दर्शन करण सारू जातरूआं री लेणा लाग्योड़ी है। उदयपुर ज़िला रा कैलाशपुरी मांय एकलिंग जी रा मिंदर मांय दो दिन रो मेळो भर रह्यो है।