भगवान बिरसा मुंडा री 150वीं जयंती रा सिलसिला मांय भारतीय जनता पार्टी री ओर ऊँ प्रदेश मांय 15 नवम्बर तांई “जनजागरण अभियान” चलायो जा रह्यो है। ई रा तैत भगवान बिरसा मुंडा समेत आजादी री लड़ाई मांय शामिल व्हेवण वाळा सगळा जनजातीय सेनानियां रा काम री जनता ने जाणकारी दी जा रही है। 13 ऊँ 15 नवम्बर तांई भाजपा री ओर ऊँ जनजाति वर्ग रा स्वतंत्रता सैनानियां रा स्मारकां माथे साफ-सफाई रा अभियान सागे दीपोत्सव मणायो जावेला। 15 नवम्बर ने राष्ट्रीय जनजाति गौरव दिवस रे मौके डूंगरपुर मांय जनजाति सम्मेलन राख्यो जावेला। जनजागरण अभियान रा तैत टाउन हॉल मीटिंग्स, निबंध, सामान्य ज्ञान अर भाषण री होड़ा समेत न्यारा-न्यारा कार्यक्रम राख्या जावेला। जनजाति गौरव वर्ष रा तैत चिकित्सा विभाग री ओर ऊँ मंगलवार ने सवाईमाधोपुर मांय मुफ्त जांच अर ईलाज रा शिविर लगावण रो काम सरू करी ज्यो। ईं रा तैत सगळा आंगनबाड़ी केन्द्रां माथे महिलावां रा स्वास्थ्य री जांच करी जा रही है। शिविर मांय आसवाळी लुगाइयां री ए.एन.सी. जांच अर नान्हा बच्चां रे बीमारियां ऊँ बचाव रा टीका लगाया जा रह्या है। म्हाणी डीग खबरनवीस बतायो के ज़िला रा एकला आदिवासी गांव मांय मंगलवार ने स्वास्थ्य जांच शिविर लगायी ज्यो।