देशभर मांय गुरूवार ने विजयादशमी पर्व आस्था अर उमाव रे साथे मनायो जावे। न्यारी-न्यारी ठोड़ां दशहरा मेळा रा आयोजन ने देखता हिफाजत अर यातायात रा खास बंदोबस्त करी ज्या है। राजधानी जयपुर मांय ठोड-ठोड होवण वाळा रावण दहन ने देखता यातायात रा खास इंतजाम करी ज्या है। कोटा रा दशहरा मैदान मांय प्रदेश रा सब उं मोटा 215 फीट रा रावण रो दहन कर्यो जाएला। रावण दहन मांय लोकसभा अध्यक्ष ओम बिरला रे साथे ई मुख्यमंत्री भजनलाल शर्मा ई मौजूद रेवेला। सवाईमाधोपुर मांय गुरूवार ने सिंज्या दशहरा मेळा मांय कवि सम्मेलन रो आयोजन व्हे रियो है, जिण मांय देशभर रा नामी कवि भेळा व्हेला। न्यारी-न्यारी ठोडां व्ह्या दुर्गा पूजा महोत्सव रो गुरूवार ने समापन व्हेग्यो। सीकर मांय जुलूस रा रूप मांय दुर्गा मूरतां रो सरोवरां मांय विसर्जन करी ज्यो।