बालोतरा ज़िला रा सिवाना मांय आज राज्य स्तर री 14 साल तांई रा विद्यार्थियां री 69वीं हॉकी होड़ सरू व्ही। संसदीय कार्य मंत्री जोगाराम पटेल अर उद्योग राज्य मंत्री के.के. बिश्नोई इण रो उद्घाटन कीनो। ईं मौके जोगाराम पटेल कह्यो के सरकार खेलां रो विकास अर नौजवानां रो भलो करणो तैय कीनो है। संसदीय कार्यमंत्री कह्यो के राज्य सरकार खिलाड़ियां ने बधावो देवण सारू 475 करोड़ रुप्या रा बजट सागे राजस्थान खेल आधुनिकीकरण मिशन चलायो है। ईं रे अलावा, जयपुर मांय अढाई सौ करोड़ रुप्या रा खर्च ऊं महाराणा प्रताप स्पोर्ट्स यूनिवर्सिटी अर 100 करोड़ रुप्या रो सेंटर ऑफ एक्सीलेंस फॉर स्पोर्ट्स खोल्या जा रह्या है। मंत्री कह्यो के सरकार साढे तीन हजार ग्राम पंचायतां मांय खुला कसरत घर अर टाबरियां सारू रेजिडेंशियल स्पोर्ट्स इंस्टिट््यूट ई खोलेला।