बारां ज़िला री अंता विधानसभा सीट माथे उपचुणाव सारु 11 नवंबर ने पड़बा वाळा वोटां सारु प्रचार रो काम दीतवार सिंज्यां खत्म व्हे जावेला। ईं सारु भाजपा अर कांग्रेस समेत न्यारी-न्यारी पार्टिंयां रा नेता अर उम्मीदवार ज़ोर-शोर ऊं जनसम्पर्क कर रह्या है। भारतीय जनता पार्टी रा उम्मीदवार री हिमायत मांय मुख्यमंत्री भजन लाल शर्मा अर पैली वाळी मुख्यमंत्री वसुंधरा राजे रोड़ शो कर चुक्या है, जदके दीतवार ने कृषि मंत्री डाॅ. किरोड़ी लाल मीणा रो दौरो करण रो कार्यक्रम है। दूजी कानी कांग्रेस रा उम्मीदवार री हिमायत मांय राज्य रा पैली वाळा उपमुख्यमंत्री सचिन पायलट, प्रदेश कांग्रेस अध्यक्ष गोविन्द सिंह डोटासरा अर दूजा स्टार प्रचारक ज़ोर-शोर ऊं प्रचार कर रह्या है। निर्दलीय उम्मीदवार नरेश मीणा ई मुकाबला ने त्रिकोणीय बणा रह्या है। वां री हिमायत मांय थावर ने राष्ट्रीय लोकतांत्रिक पार्टी रा नेता हनुमान बेनीवाल अर आम आदमी पार्टी रा नेता संजय सिंह जनसभा कीनी।