बारां ज़िला रा अंता विधानसभा हलका मांय उप चुनाव सारु सात उम्मीदवार नाम पाछा ले लीना है जद के एक पर्चो खारिज़ कर दियो ज्यो, ज्यीं पाछे अब ईं उप चुनाव सारु कुल 15 उम्मीदवार रह ग्या है। सोमवार ने नाम पाछा लेवण रा आखिरी दिन 5 उम्मीदवार नाम पाछा लीना। नामपाना दाखिल करण अर पाछा लेवण रो काम पूरो व्ह्यां पाछे चुनाव प्रचार मांय तेज़ी आवण रा आसार है। निर्वाचन विभाग ई स्वीप कार्यक्रमां रे मार्फत वोट जरूर देवण री अपील कर रह्यो है। ध्यानजोग है के उपचुनाव सारु 11 नवंबर ने वोट पड़ेला अर 14 नवंबर ने वोटां री गिणती करी जावेला।