बारां ज़िला रा अंता विधानसभा सीट ऊं उपचुनाव सारू मंगलवार ने दो पर्चा दाखिल करी ज्या। नरेश मीणा अर धरमवीर निर्दलीय उम्मीदवार रा तौर ऊं नामपाना दाखिल कीना। ईं सीट माथे उपचुनाव सारू हाल तांई तीन उम्मीदवार पर्चा दाखिल कीना है। नामपाना 20 अक्टूबर तांई दाखिल कर्या जा सके है। ईं बीचे निर्वाचन आयोग सियासी विज्ञापनां सारू वां ने पैली प्रमाणित करावणो ज़रूरी कर दीनो है। राज्य रा मुख्य निर्वाचन अधिकारी नवीन महाजन बतायो के पार्टियां अर उम्मीदवारां ने सोशल मीडिया समेत किण ई इलेक्ट्रॉनिक माध्यम रे जरिये विज्ञापन देवण ऊं पैली मीडिया प्रमाणन अर निगराणी समिति री मंजूरी लेवणी व्हेला। आयोग रे मुजब उम्मीदवारां ने पर्चा दाखिल करती बगत वां रा सगळा सोशल मीडिया खातां री जाणकारी ई देवणी व्हेला।