बारां जिला री अंता विधानसभा सीट माथे होवण वाळा उपचुनाव सारू नामपाना भरण रे मंगलवार ने आखिरी दिन 9 उम्मीदवार 15 नामपाना दाखिल कर्या। इण रे साथै ई कुल 21 उम्मीदवार 32 नामपाना भर्या है। म्हाणा खबरनवीस बतायो के नामपाना री जांच 23 अक्टूबर ने करी जायेला। वठे ई 27 अक्टूबर तांई नाम पाछा लिया जा सकेला। ई बीचे उपचुनाव ने ले र चुणाव आयोग कानी ऊँ नियुक्त जनरल ऑब्जर्वर सुभाश्री नंदा काले विधानसभा हलका रा न्यारा-न्यारा पोलिंग बूथां अर चेक पोस्टां ने देख्या। ईं दौरान वणा चुनाव तैयारियां री विगतवार समीक्षा करी अर इण ऊँ जुड़्या अहलकारा ने जरूरी दिशा निर्देश दिया। वणा मतदान केन्द्रा माथे बिजळी, पाणी, शौचालय, रैम्प, शेड, व्हीलचेयर अर प्रतीक्षा ठौड़ जसी मूलभूत सुविधावां रो जायजो लियो।