बाडमेर रा जांबाज फौजी हवलदार नखत सिंह रा पार्थिव शरीर रो गुरूवार ने दोपहरां पाछे वां रा पैतृक गांव हरसाणी मांय पूरा फौजी मान सागे दाग कर दियो ज्यो। दाग मांय बाड़मेर रा सांसद उम्मेदाराम बेनीवाल, जिला कलेक्टर निशांत जैन, एस पी नरेन्द्र सिंह मीना, जनता रा नुमाइन्दा, फौज, पुलिस अर प्रशासन रा अहलकार अर मोटी तादाद मांय आमजन मौजूद रह्या। अरूणाचल प्रदेश मांय तैनात फौज री 19 ग्रेनेडियर्स रा हवलदार नखत सिंह ऑपरेशन राईनो रे दौरान 27 अगस्त ने व्ही वाहन दुर्घटना मांय वीर गति हासिल कीनी ही।