बंगाल की खाड़ी अर अरब सागर मांय व्हे रही हलचल रे कारण राज्य मांय मंगलवार ने ई बारिश व्ही। लारला 24 घंटां मांय बूंदी ज़िला रा नैनवा मांय सब ऊँ बत्ती 130 मिलीमीटर बारिश व्ही। मंगलवार ने अजमेर, उदयपुर अर कोटा संभाग समेत भीलवाड़ा अर जयपुर रा केई हलकां मांय हल्की ऊँ मझला दर्जा री बरसात रा आसार है। लगातार बारिश रे कारण चित्तौड़गढ़ रा घोसुण्डा बंधा रा दो दरूजा खोल र बत्तो पाणी निकाळी ज्यो। मौसम विभाग रे मुजब काल ऊँ बिरखा मांय कमी व्हेवण रा आसार है, हालांकि राज्य रा लंकाऊ हलका मांय हल्की बिरखा व्हे सके है। बेमौसम बारिश ऊँ कट्योड़ी साखां ने घणो नुकसाण व्ह्यो है अर पारो 5 ऊँ 10 डिग्री सेल्सियस तांई उतर्यो है।