राज्य मांय नहरी तंत्र ने मज़बूत बणावण सारू फिरोज़पुर फीडर ने और बेहतर बणावण रा काम री सरूआत 5 दिसम्बर ने करण रो प्रस्ताव है। मुख्यमंत्री भजनलाल शर्मा रो ईं काम री सरूआत रो कार्यक्रम है। ईं रा तैत आरडी ज़ीरो ऊं 168 दशमलव दो तीन तांई सीसी लाइनिंग, हैड रेग्यूलेटर बणावण अर रेल्वे क्रॉसिंग ब्रिज ओजू बणावण रा काम कराया जावेला। इण ऊं हरीके बैराज मांय आवण वाळा बत्ता पाणी ने फिरोज़पुर फीडर मांय लायो जावेला, जिण रो फायदो गंग नहर ने मिलेला। ओ फीडर और बेहतर बणावण ऊं गंग नहर रा 3 लाख 14 हजार हैक्टेयर हलका मांय किसानां ने पाणी मिल सकेला। 647 करोड़ रूप्या ऊं बत्ती रकम रा खर्च वाळी ईं परियोजना मांय पंजाब री करीब 379 करोड़ अर राजस्थान री लगभग 268 करोड़ रूप्या री हिस्सेदारी है।