प्रभु यीशू रो जन्मदिन गुरूवार ने क्रिसमस रा रूप मांय मनायो। ईं मौके गिरजाघरां मांय खास प्रार्थना सभावां व्ही अर ईसा मसीह रा उपदेश पढ़ र सुणायी ज्या। जयपुर, अजमेर, सवाईमाधोपुर समेत प्रदेश रा न्यारा-न्यारा ज़िलां मांय क्रिसमस रे मौके ईसाई समुदाय रा लोगां मांय खास उमाव निजर आयो। प्रभु यीशू रा जन्म री झांकियां देखण घणी तादाद मांय ईसाई लोग गिरजाघर पूग्या है अर कैरल्स गा र खुशियां मनावे। राजधानी जयपुर रा होटलां, रेस्टोरेंट अर शॉपिंग मॉल मांय क्रिसमस ने ले र खास आयोजन राख्यी ज्या है। सांता क्लॉज री पोशाक मांय टावरां ने निजराना बाटी ज्या अर रंग-बिरंगी झालरां रे साथे क्रिसमस ट्री सजा र खुशियां साझा करी ज्यी। म्हारां पाली खबरनवीस बतायो के जवाई बंधा हलका मांय आया विदेशी सैलाणी ई क्रिसमस रा उमाव मांय भेळा व्हेता दिख्या।