प्रधानमंत्री नरेन्द्र मोदी राष्ट्रीय जनता दल अर कांग्रेस माथे वोट बैंक अर तुष्टिकरण री सियासत सारू घुसपैठियां री हिमायत रो आरोप लगायो है। वे शुक्रवार बिहार मांय बोधगया रा मगध विश्वविद्यालय मैदान मांय राख्यी ज्यी जनसभा मांय बोल रह्या हा। श्री मोदी कह्यो के सरकार एक जनसांख्यिकी मिशन सरू करेला, जिण ऊं घुसपैठियां ने बाहर निकाळबा मांय मदद मिलेला। प्रधानमंत्री भ्रष्टाचार रोधी बिल री खिलाफत करण सारू विपख री पार्टियां री आलोचना कीनी। ईं बिल मांय भ्रष्टाचार रा आरोप मांय दोषी अर 30 दिन ऊं बत्ता बगत तांई जेल मांय रेहवण वाळा प्रधानमंत्री, मुख्यमंत्री अर दूजा मंत्रियां ने हटावण रो प्रावधान है। प्रधानमंत्री गया मांय करीब 13 हज़ार करोड़ रुप्या रा खर्च वाळी विकास री केई परियोजनावां रा काम री नींव रखी अर पूरा व्ह्या कामां रो उद्घाटन कीनो। ईं पाछे प्रधानमंत्री कोलकाता मांय जनसभा ने संबोधित कीनी। वे कह्यो के भारत दुनिया री तीजी मोटी माली व्यवस्था बणबा ओड़ी बढ़ रह्यो है।