प्रधानमंत्री नरेंद्र मोदी थावर ने ओडिशा रा झारसुगुड़ा मांय भारत संचार निगम लिमिटेड-बीएसएनएल कानी ऊं लगायी ज्या साढ़े 97 हजार ऊं बत्ता मोबाइल टावरां रो उद्घाटन कीनो। आं मांय नुवी 4जी तकनीक वाळा 92 हजार छह सौ टावर ई शामिल है। करीब 37 हजार करोड़ रुप्या रा खर्च ऊं लगायी ज्या अ टावर पूरी तरह देशी तकनीक काम लेवे है। श्री मोदी कह्यो के भारत 2जी, 3जी अर 4जी तकनीकां रा विकास मांय पिछड़ ग्यो हो अर विदेशी तकनीक माथे निर्भर हो। वे कह्यो के आ उपलब्धि हासिल कर र भारत वा चंद देशां मांय शामिल व्हे ग्यो है जो खुद रा दूरसंचार नेटवर्क बणावण रो बूतो राखे है। प्रधानमंत्री कह्यो के भारत आवता बगत मांय दूरसंचार प्रौद्योगिकी रो वैश्विक केंद्र बणेला। श्री मोदी कह्यो के ईं पहल ऊँ 30 हज़ार गांव बेगा ही हाई-स्पीड इंटरनेट ऊँ जुड़ेला जिण ऊँ पूरा देश मांय डिजिटल समावेशन ने बधावो मिलेला।
प्रधानमंत्री रा ईं कार्यक्रम ऊँ मुख्यमंत्री भजनलाल शर्मा ई वर्चुअल तरीका ऊँ जुड़्य। ई मौके वे कह्यो के बीएसएनएल रा देशी 4जी नेटवर्क री सरूआत नवाचार अर खुद रे पाण ऊबा भारत रा बधता कदम बतावे है। मुख्यमंत्री कह्यो राजस्थान मांय ई 5 हज़ार 655 टावर लगायी ज्या है।