प्रधानमंत्री राष्ट्रीय बाल पुरस्कार ऊं नवाजी ज्या बच्चां सागे बातचीत ई कीनी। वीर बाल दिवस रे मौके प्रदेश रा न्यारा-न्यारा ज़िलां मांय ई खास कार्यक्रम राख र गुरू गोबिन्द सिंह जी रा साहिबजादां ने याद करी ज्या। जयपुर रा प्रदेश भाजपा मुख्यालय मांय राख्यी ज्या कार्यक्रम मांय मुख्यमंत्री भजन लाल शर्मा अर उपमुख्यमंत्री डॉ. प्रेमचन्द बैरवा ई शामिल व्ह्या। राजधानी जयपुर मांय समेकित बाल विकास सेवाएं निदेशालय मांय राख्यी ज्या कार्यक्रम मांय ई साहिबजादां रा बलिदान ने याद करी ज्यो। अजमेर रा रूपनगढ़ किला मांय व्ह्या कार्यक्रम मांय केन्द्रीय कृषि अर किसान कल्याण राज्यमंत्री भागीरथ चौधरी अर जल संसाधन मंत्री सुरेश सिंह रावत ईं मौजूद रह्या। पाली मांय प्रभात फेरी निकाळी ज्यी। ईं मौके पशुपालन मंत्री जोराराम कुमावत ई साहिबजादां रा फोटो माथे फूल माळा चढ़ा र वां ने सिरधाभाव सागे याद कीना।