प्रधानमंत्री फसल बीमा योजना रे तैत 11 अगस्त ने काश्तकारां ने फसल बीमा क्लेम री राशि दी जावेला। केन्द्रीय कृषि मंत्री शिवराज सिंह चौहान झुंझुनूं मांय होबा वाळा इण कार्यक्रम मांय सिरकत करेला। इण मौके मुख्यमंत्री भजनलाल शर्मा भी मौजूद रहवेला। कृषि अर उद्यानीकी प्रमुख शासन सचिव राजन विशाल शुक्रवार ने इण समारोह री तैयारियां बाबत् बैठक ली। वणा जयपुर ऊं वीडियो कॉन्फ्रेंन्सिंग रे जरिये झुंझुनूं, कोटपूतली अर सीकर ज़िला कलेक्टरां रे सागे इण बारा मांय चर्चा करी। श्री विशाल नोडल अहलकारां सूं आपसी मेल-मिलाप सूं काम करता थकां जळसा री सगळी तियारियां पूरी करबा रा निर्देश दिया।