प्रधानमंत्री नरेन्द्र मोदी कह्यो है के सरकार नौजवानां सारु काम-धंधा रा नुवा मौका बणावण री कोशिश कर रही है। वे थावर ने नई दिल्ली मांय 18वां राष्ट्रीय रोज़गार मेळा मांय वर्चुअल तरीका ऊं बोल रह्या हा। श्री मोदी कह्यो के रोज़गार मेळा संस्थागत व्यवस्था बण ग्या, ज्यां रे ज़रिये नौजवानां ने नौकरी-धंधा रा मौका मिल रह्या है। प्रधानमंत्री भारत री मज़बूत माली व्यवस्था माथे ज़ोर देता थकां कह्यो के आ दुनिया री एकली माली व्यवस्था है, जो दस साल मांय जीडीपी दूणी कर दीनी है। ईं मौके न्यारा-न्यारा सरकारी महकमां अर संगठनां मांय भर्ती व्ह्या 61 हजार ऊं बत्ता मोट्यारां ने थावर ने नौकरी लागण रा कागज़ात दिया ज्या। 18वों रोज़गार मेळो देश मांय 45 ठोड़ां लगायी ज्यो। केन्द्रीय कृषि अर कृषक कल्याण राज्यमंत्री भागीरथ चौधरी अजमेर मांय राख्यी ज्या रोज़गार मेळा मांय 300 ऊं बत्ता नौजवानां ने नौकरी रा कागज़ात सूंप्या।