प्रधानमंत्री नरेन्द्र मोदी कह्यो है के स्टार्टअप इंडिया केवल दस साल मांय ई क्रांति बण ग्यो है। वे शुक्रवार ने राष्ट्रीय स्टार्टअप दिवस रे मौके नई दिल्ली मांय राख्यी ज्या कार्यक्रम मांय बोल रह्या हा। श्री मोदी कह्यो के भारत दुनिया रो तीजो मोटो स्टार्टअप तंत्र बण ग्यो है। वे कह्यो के भारत रा नौजवान वास्तविक परेशानियां ने सुलझावण माथे ध्यान देवे है। श्री मोदी कह्यो के राष्ट्रीय स्टार्टअप दिवस रे मौके स्टार्टअप सरू करण वाळा अर नुवी सोच ऊँ काम करण वाळां रो एके सागे भेळा व्हेवणो तेज़ी ऊँ विकास कर रह्या नुवा भारत रो भविष्य बतावे है। श्री मोदी ईं मौके प्रदर्शनी हलका रो दौरो कीनो अर प्रदर्शनी लगावण वाळां सागे बातचीत कीनी। ध्यानजोग है के स्टार्टअप इंडिया री सरूआत दस साल पैली 16 जनवरी, 2016 मांय करी ज्यी ही। प्रदेश मांय ई ईं मौके भांत-भांत रा कार्यक्रम राख्यी ज्या। पाली रा राजकीय बांगड़ कॉलेज रा स्टार्टअप सेंटर मांय विद्यार्थियां अर कारोबारियां सारू सेमिनार अर प्रदर्शनी राख्यी ज्यी। ईं मौके जाणकार विद्यार्थियां ने स्टार्टअप सरू करण री प्रक्रिया, सरकारी योजनावां अर सरकार कानी ऊँ माली मदद रा बारा मांय जाणकारी दीनी। विद्यार्थी ई सरकार कानी ऊँ स्टार्टअप ऊँ जुड़ी पहलां सारू धन्यवाद कीनो।