प्रधानमंत्री नरेन्द्र मोदी कह्यो के सांसद खेल महोत्सव री मार्फत देश भर मांय हजारों हुनरमंद खिलाड़ी उभर रिया है। आज वीडियों कान्फ्रेंस की मार्फत सांसद खेल महोत्सव मांय बोलता श्री मोदी कह्यो के ई आयोजन रो दायरों अर असर दोन्यू ई घणा बध्या है। वणा कह्यो के आज खेल महोत्सव युवा विकास री मार्फत देश निर्माण रो मजबूत थाम्बो बण रह्यो है। प्रधानमंत्री कह्यो के ओ खेल आयोजन नौजवानां मांय हार-जीत रे परे खेल भावना रा विकास मांय योगदान देवे है। वणा कह्यो के लायक अर अनुशासित युवा ई राष्ट्र रा निर्माण मांय योगदान देवे है। प्रदेशभर मांय न्यारी-न्यारी ठौड़ा सांसद खेल महोत्सव रा समापन जळसा व्ह्या। कोटा मांय व्ह्या जळसा मांय लोकसभा अध्यक्ष ओम बिरला वर्चुअल भेळा व्ह्या। कोटपूतली-बहरोड़ मांय केन्द्रीय मंत्री भूपेन्द्र यादव भेळा व्हे र नौजवानां रो हौसलो बधायो। झुंझुनूं मांय राख्यी ज्या जळसा मांय जन नुमाइन्दा रे साथै विधायक राजेन्द्र भांभू मौजूद रिया। चित्तौड़गढ़ मांय राख्यी ज्या जळसा मांय पैली रा नामी क्रिकेट खिलाड़ी कपिल देव ई शिरकत कर ने खिलाड़ियां रो उमाव बधायो।