प्रधानमंत्री नरेन्द्र मोदी अर रूस रा राष्ट्रपति ब्लादिमीर पुतिन बीचे नई दिल्ली मांय व्ही मीटिंग पाछे रक्षा, करोबार, माली व्यवस्था, स्वास्थ्य, भणाई-लिखाई, संस्कृति अर मीडिया ऊँ जुड़्या हलकां समेत न्यारा-न्यारा हलकां ऊँ जुड़्या केई करार माथे सही करी ज्यी। नई दिल्ली मांय व्ह्या 23 वां भारत-रूस वार्षिक शिखर सम्मेलन मांय दोन्यू नेता खबरनवीसां ने संबोधित कीना। प्रधानमंत्री मोदी कह्यो के राष्ट्रपति पुतिन रो दौरो ऐड़ा बगत व्हे रह्यो है जद भारत सागे केई ऐतिहासिक रिश्तां मांय खास प्रगति व्ही है। वे कह्यो लारला दस साल मांय दुनिया मांय आया भांत-भांत रा उतार-चढ़ाव बीचे भारत-रूस रा रिश्ता समय री कसौटी माथे खरा उतर्या है। मीटिंग रे दौरान दोन्यू नेता साल 2030 तांई भारत-रूस आर्थिक सहयोग रा खास हलकां रा विकास रा एक कार्यक्रम ने ई मंजूरी दीनी।