प्रधानमंत्री नरेन्द्र मोदी ने वस्तु अर सेवा कर-जीएसटी बचत उत्सव ने ले र लोगां मांय उच्छास खुशी जतायी है। वणा दीतवार ने आकाशवाणी सूं मन की बात कार्यक्रम मांय त्यौहारां रे चालता देशवासियां रे नाम आप रे पाने रो जिकर कर्यो। प्रधानमंत्री कह्यो कि वाणी अरज सूं बाजारां मांय स्वदेशी सामानां री खरीदारी जबरदस्त तरीके सूं बधी है। प्रधानमंत्री नरेन्द्र मोदी ने कह्यो है कि छठ महापर्व संस्कृति, प्रकृति अर समाज रे बीचे री गहरी एकता रो प्रतीक है। आकाशवाणी सू मन की बात कार्यक्रम मांय दीतवार ने प्रधानमंत्री ने कह्यो की समाज रो प्रत्येक वर्ग छठ घाटां माथे एक साथ आ र भारत री सामाजिक एकता रो सबसे सुंदर उदाहरण पेश कर्यो है। सरदार वल्लभभाई पटेल री जयंती 31 अक्टूबर ने मनायी जावेली। श्री मोदी कह्यो कि इण मौके माथे हर बरस गुजरात रे एकता नगर मांय ’स्टैच्यू ऑफ यूनिटी’ रे कने खास जळसो राख्यो जावे है। वणा सगळा सूं रन फॉर यूनिटी मांय भाग लेवण रो हेलो कर्यो। श्री मोदी कह्यो के ऑपरेशन सिंदूर हर भारतीय ने गौरवान्वित कर्यो है। इण बार वा इलाकां मांय भी खुशियां रा दीप जलाया गया जठे कदे माओवादी आतंक रो अंधेरो छायो रहतो हो। प्रधानमंत्री स्वच्छता रो प्रयासां सूं जुड़्योड़ा देश रा न्यारा-न्यारा शहरां री कुछ प्रेरक कहाणियां रो उल्लेख कर्यो। प्रधानमंत्री भारत रे राष्ट्रीय गीत -वंदे मातरम की चर्चा करी। वणा कह्यो कही आ देशभक्ति शब्दां सूं परे एक भावना है। 7 नवंबर ने आपा ‘वन्देमातरम’ रे 150 वे उत्सव मांय प्रवेश करण वाळा हा। श्री मोदी सगळां सूं वंदे मातरम महिमामंडन रे खातिर जतन कर ने अर हैशटैग वंदेमातरम 150 रे साथै सुझाव भेजणे रो हेलो कह्यो। प्रधानमंत्री रे मन की बात कार्यक्रम ने ले र प्रदेशभर में उत्साह निज़र आयो। मुख्यमंत्री भजन लाल शर्मा जयपुर रा सवाईमानसिंह स्टेडियम मांय इण्डोर हॉल मांय मन की बात कार्यक्रम ने सुण्यो। मुख्यमंत्री कह्यो के प्रधानमंत्री नरेन्द्र मोदी एक पेड़ मां के नाम अभियान सूं प्रेरित हो र राज्य सरकार हरियाळो राजस्थान अभियान चला री है। इण अभियान मांय एक बरस मांय 11 करोड़ 61 लाख सू बत्ती पेड़ लगाया गया है। इण ने चालता उद्योग मंत्री कर्नल राज्यवर्धन सिंह राठौड़, उद्योग राज्य मंत्री के.के. विश्नोई समेत केई जनप्रतिनिधि अर आमजन मौजूद रह्या।  बहरोड़ मांय केन्द्रीय मंत्री भूपेन्द्र यादव कार्यकर्तावां रे साथे प्रसारण सुण्यो। वठिने चौमू मांय उपमुख्यमंत्री दीया कुमारी अर उपमुख्यमंत्री डॉ. प्रेमचंद बैरवा कार्यकर्तावां रे साथे मन की बात कार्यक्रम सुण्यो। पाली, चूरू समेत केई ज़िलां मांय भी मन की बात कार्यक्रम ने सुण्यो गयो।