प्रधानमंत्री नरेन्द्र मोदी रो शुक्रवार ने वीडियो कॉन्फ्रेन्स रे मार्फत देश मांय 40 ठौड़ां 51 हज़ार ऊं बत्ता नौजवानां ने नौकरी लागण रा कागज देवण रो कार्यक्रम है। प्रधानमंत्री ईं मौके नुवी नौकरी लागण वाळां ने सम्बोधित ई करेला। न्यारा-न्यारा राज्यां मांय व्हेवण वाळा कार्यक्रमां मांय केन्द्रीय मंत्री ई मौजूद रहवेला। राज्य रा खास शहरां मांय ई रोजगार मेळा लगाया जावेला। जयपुर मांय राख्या जावण वाळा कार्यक्रम मांय केन्द्रीय कृषि अर किसान कल्याण राज्यमंत्री भागीरथ चौधरी खास पावणा रा तौर ऊं मौजूद रेहवेला। ओ मेळो डाक विभाग रा राजस्थान परिमंडल री ओर ऊं राख्यो जावेला।