प्रधानमंत्री नरेन्द्र मोदी कह्यो है के देश बणावण मांय कौशल रो घणो खास काम है। वे थावर ने नौजवानां सारू 62 हजार करोड़ रुप्या ऊं बत्ता खर्च वाळी न्यारी-न्यारी पहलां री आज सरूआत कीनी। ईं मौके प्रधानमंत्री कह्यो के वां री सरकार कौशल अर नवाचार माथे खास ध्यान देता थकां भविष्य मांय नौजवानां ने अगुवाई करण सारू तैयार कर रही है। प्रधानमंत्री नई दिल्ली मांय राख्यी ज्या कौशल दीक्षांत समारोह मांय औद्योगिक प्रशिक्षण संस्थानां- आई.टी.आई. रे मार्फत प्रधानमंत्री कौशल अर रोज़गार परिवर्तन-पीएम-सेतु री सरूआत कीनी। ईं मौके श्री मोदी कह्यो के भारत ज्ञान अर कौशल रो देश है अर बुद्धि री ताकत इण री सब ऊं मोटी ताकत है। वे आई.टी.आई. संस्थानां ने खुद रे पाण ऊबो भारत बणावण सारू खास बतायो अर कह्यो के पीएम सेतु ऊं आं ने और बेहतर बणाया जावेला। कार्यक्रम मांय केंद्रीय कौशल विकास अर उद्यमिता मंत्री जयंत चौधरी ई मौजूद हा।