प्रधानमंत्री नरेन्द्र मोदी थावर ने मिज़ोरम री राजधानी आइज़ॉल मांय विकास री नौ हज़ार करोड़ रुप्या ऊं बत्ता खर्च री परियोजनावां रो वर्चुअल तरीका ऊं उद्घाटन कीनो अर नुवां कामां री नींव रखी। श्री मोदी आठ हज़ार करोड़ रुप्या ऊं बत्ता खर्च वाळी बैरबी-सैरांग नुवी रेलवे लेण रो उद्घाटन कीनो, जो पहली दफा मिजोरम री राजधानी आइजॉल ने रेल सेवा ऊं जोड़ रही है। ईं मौके श्री मोदी कह्यो के इण ऊं लोगां ने हिफाजत सागे किफ़ायती सफर रो सुबीतो मिलेला। ईं सागे ई कारोबार अर सैर-सपाटा ने बधावो मिलेला। प्रधानमंत्री इण ऊं पैली मणिपुर रा चूड़ाचांदपुर मांय राख्यी ज्यी जनसभा मांय नौजवानां ऊं कल्याण सारू विकास रो गेलो चुणबा री अपील कीनी।