प्रधानमंत्री नरेन्द्र मोदी 79वां स्वतंत्रता दिवस समारोह मांय दिया जावण वाळा वां रा भाषण सारु जनता ऊं विचार अर राय मांगी है। सोशल मीडिया हैंडल एक्स माथे पोस्ट मांय प्रधानमंत्री कह्यो के 15 अगस्त ने लाल किला ऊं भाषण सारु वे देश री जनता रा विचार जाणबा री मर्ज़ी राखे है। राय माय जीओवी ओपन फोरम अर नमो एप माथे दी जा सके है।
राज्य स्तर रो स्वतंत्रता दिवस समारोह ईं दफा जोधपुर रा बरकतुल्ला खां स्टेडियम मांय राख्यो जावेला। मुख्यमंत्री भजनलाल शर्मा की मौजूदगी मांय व्हेवण वाळा ईं जळसा मांय मारवाड़ री अपणायत, सांस्कृतिक विरासत अर रीति-रिवाज निजर आवेला। संसदीय कार्यमंत्री जोगाराम पटेल शुक्रवार ने जोधपुर मांय जळसा री ठोड़ रो दौरो कर र तैयारियां रो जायज़ो लीनो। श्री पटेल कह्यो के स्वतंत्रता दिवस वीर बलिदानियां रा अतुलनीय योगदान ने याद करण रो दिन है अर ओ हर रहवासी ने देश रा प्रति मान महसूस करण रो मौको देवे है।