प्रधानमंत्री नरेन्द्र मोदी थावर ने वीडियो कांफ्रेंसिंग रे जरिये 51 हजार सूं बत्ता मोट्यारां ने नियुक्ति पत्र बांटेला। 16 वां रूजगार मेळा मांय सुवांरे 11 बजे सूं न्यारा-न्यारा मंत्रालयां अर महकमां और संगठनां रा नुवां नियुक्त मोट्यारां ने ए नियुक्ति पाना सौप्यां जावेलां। इण मौके माथे प्रधानमंत्री वां ने सम्बोधित भी करेला। देशभर री 47 जगवां माथे रूजगार मेळे रो आयोजन कर्यो जा रह्यो है। रूजगार मेळो सरकार री रूजगार सृजित करणे री प्रतिबद्धता री दिशा मांय खास पहल है। देशभर मांय व्ह्या रोजगार मेळा रे माध्यम सूं अबे तांई 10 लाख सूं बत्ती नियुक्ति पाना जारी कर्या जा चुक्या है। प्रदेश मांय ऐ रोजगार मेळा अजमेर, बीकानेर, जयपुर अर जोधपुर मांय राख्या जा रह्या है। जिण रे तैत रेलवे रा 585 समेत दूजा महकमां रा कुल 742 अभ्यर्थियां ने नियुक्ति पानो सौप्यो जावेला। इण मांय डाक विभाग, स्वास्थ्य, उच्च शिक्षा, वित्त अर पुलिस महकमो भेळो है। केन्द्रीय मंत्री भूपेन्द्र यादव काले जयपुर मांय होवण वाळे रूजगार मेळा मांय नियुक्ति पानो देवेला। उत्तर-पश्चिम रेलवे रा मुख्य जनसम्पर्क अहलकार शशि किरण बतायो कि मेळे रो आयोजन कॉन्स्टीट्यूशन क्लब मांय कर्यो जावेला।
000