प्रधानमंत्री नरेंद्र मोदी कह्यो है के विमानन क्षेत्र वैश्विक हवाई परिवहन उद्योग मांय भारत री अहम भूमिका है। वे नई दिल्ली मांय अंतर्राष्ट्रीय वायु परिवहन संघ-आईएटीए री 81वीं वार्षिक साधारण सभा मांय बोल रह्या हा। श्री मोदी कह्यो के देश हवाई परिवहन हलका मांय अगाड़ी ताकत रा रूप मांय सामी आ रह्यो है। वे कह्यो के उड़ान योजना री कामयाबी देश रा नागरिक विमानन हलका मांय सुनहरो अध्याय है अर अब भारत दुनिया रो तीजो मोटो घरेलू विमानन बाजार बण ग्यो है। आई.ए.टी.ए. विमानन उद्योग री चुनौतियां माथे खास ध्यान दे रह्यो है। इण मांय एयरलाइन उद्योग री माली व्यवस्था, हवाई संपर्क, ऊर्जा सुरक्षा, टिकाऊ विमानन ईंधन उत्पादन, कार्बन उत्सर्जन मांय कमी सारू वित्तपोषण अर नवाचार शामिल है।