प्रधानमंत्री नरेन्द्र मोदी रो 22 मई ने बीकानेर ज़िला रा देशनोक ऊं देशभर रा 103 ओजू विकसित करी ज्या रेलवे टेशनां रो वर्चुअल तरीकां ऊं उद्घाटन करण रो कार्यक्रम है। अमृत भारत स्टेशन योजना रा तैत विकसित आं टेशनां मांय राजस्थान रा ई आठ टेशन देशनोक, बूंदी, मांडलगढ़, गोविंदगढ़, गोगामेड़ी, मंडावर-महुआ रोड़, फतेहपुर शेखावाटी और राजगढ़ भेळा है। 75 करोड़ रुप्या खर्च कर र और बेहतर बणायी ज्या आं टेशनां मांय सुबीता, सुंदरता अर संस्कृति रो तालमेर निजर आवे है। म्हाणी हनुमानगढ़ खबरनवीस बतायो के गोगामेड़ी टेशन री काया पलट करण रा काम माथे करीब 14 करोड़ रुप्या खर्च करी ज्या है। चूरू ज़िला रा राजगढ़ टेशन ने ई करीब 17 करोड़ रुप्या रा खर्च ऊं नुवो बणायी ज्यो है। म्हाणा खबरनवीस बतायो के नुवा सुबीतां वाळा जगमग टेशन ने देख र मुसाफिरां मांय ई उमाव है।