प्रधानमंत्री नरेंद्र मोदी आवती 22 मई ने बीकानेर जिला रा दौरा माथे आवेला। बीकानेर मांय तैय कार्यक्रम रे दौरान श्री मोदी देश रा 103 ठोडां माथे रेल ठेसनां रा सुदृढ़ीकरण रा कामा रो लोकार्पण करेला। इण मांय प्रदेश रा देशनोक, बूंदी, मांडलगढ़ अर गोगामेड़ी ठेशन भेळा है। आं ठेसनां मांय जातरियां सारू चोखो इन्तजार सारू एरियो, हाईटेक टिकट काउंटर, कैफेटेरिया, एस्केलेटर, लिफ्ट, डिजिटल डिस्प्ले बोर्ड, साफ-सुथरा टॉयलेट्स, चोखी रोशनी अर हिफाजत बन्देवस्त सुविधावां दी जाएला। इण रो डिजाइन स्थानीय कला, इतिहास अर संस्कृति ने ध्यान मांय राखता तियार करी ज्यो है। प्रधानमंत्री रो नाल हवाई अड्डा माथे जवानां ऊं बतळ करण रो ई र्काक्रम है। केंद्रीय मंत्री अर्जुनराम मेघवाल अर मुख्यमंत्री भजनलाल शर्मा प्रधानमंत्री रा दौरा ने देखता अठे तैयारियां रो जायजो ले चुक्या है।