प्रधानमंत्री नरेन्द्र मोदी री सदारत मांय बुधवार ने व्ही कैबिनेट री मीटिंग मांय केई खास प्रस्ताव मंजूर करी ज्या। केन्द्रीय मंत्री अश्विनी वैष्णव कैबिनेट री मीटिंग मांय करी ज्या फैसलां री जाणकारी खबरनवीसां ने देता थकां बतायो के केन्द्र सरकार देश रो छठो सेमी कंडक्टर कारखानो लगावण री मंजूरी दे दीनी है। उत्तरप्रदेश मांय लगाया जावण वाळा ईं कारखानां माथे करीब 3 हजार 706 करोड़ रुप्या खर्च व्हेला। श्री वैष्णव बतायो के सेमी कंडक्टर बणावण रा पांच और कारखाना रो काम चाल रह्यो है।