प्रधानमंत्री नरेन्द्र मोदी कह्यो है के देश री माली व्यवस्था अर नुवो बुनियादी ढांचो विकसित करण री मोटी ज़िम्मेदारी नौजवानां माथे है। प्रधानमंत्री थावर ने रोज़गार मेळा मांय वीडियो कॉन्फ्रेंस रे मार्फत बोल रह्या हा। श्री मोदी कह्यो के स्किल इण्डिया, स्टार्टअप इण्डिया अर डिजिटल इण्डिया सरीखा अभियान नौजवानां सारू नुवा मौका पैदा कर रह्या है। रोजगार मेळा मांय 51 हजार बत्ता नौजवानां ने सरकारी नौकरी लागण रा कागजात दिया ज्या। नौकरी-धंधा रा मौको बधावण माथे खास ध्यान देवण री केन्द्र सरकार री सोच रे मुजब 15वां रोजगार मेळो थावर ने देशभर मांय 47 ठौड़ां राख्यी ज्यो। जयपुर मांय ई राख्यी ज्या रोज़गार मेळा मांय कृषि राज्यमंत्री भागीरथ चौधरी 433 मोट्यारां ने नियुक्ति पत्र सूंप्या। ईं मौके श्री चौधरी कह्यो के केन्द्र सरकार बत्ता ऊं बत्ता नौजवानां ने नौकरी-धंधा रा मौका देवण री कोशिश कर रही है। नौजवान नौकरी लागण रा कागजात मिलण परां घणा राज़़ी निजर आया। कार्यक्रम मांय जयपुर री सांसद मंजू शर्मा ई मौजूद ही।