प्रधानमंत्री नरेन्द्र मोदी सूफी संत ख्वाजा मोईनुद्दीन हसन चिश्ती रा 813वां उर्स री बधाई दीनी है। श्री मोदी अल्पसंख्यक कार्यमंत्री किरेन रिजिजू ने एक चादर ई दीनी, ज्यो काल अजमेर मांय दरगाह शरीफ माथे पेश करी जावेला। ईं मौके प्रधानमंत्री सगळां री जिं़दगी मांय खुशहाली अर शांति री कामना कीनी। अल्पसंख्यक कार्यमंत्री रो दरगाह रा वेब पोर्टल अर गरीब नवाज एप री सरूआत करण रो ई कार्यक्रम है। उर्स मांय सिरकत करण सारु देश-परदेश ऊं मोटी तादाद मांय ज़ायरीन अजमेर पूग रह्या है। उर्स मांय आवण वाळा जायरीन री मोटी तादाद ने ध्यान राखता थकां ज़िला प्रशासन अर पुलिस ज़रुरी इंतजामात कीना है।